Belarus Prezidenti Aleksandr Lukaşenko yaxın gələcəkdə "Kupalye" bayramına Ukrayna vətəndaşlarının daha çox qatılacağına ümid etdiyini bildirib.
Sherg.az xəbər verir ki, Lukaşenko çıxışı zamanı bayramda ukraynalı qonaqların da iştirak etdiyini qeyd edərək, gələcəkdə onların sayının daha da artmasını arzuladığını deyib.
Belarus lideri həmçinin builki tədbirə Rusiyanın Çuvaşıstan Respublikasından, eləcə də Kurqan, Rostov, Kemerovo vilayətlərindən və Sibirdən nümayəndə heyətlərinin ilk dəfə qatıldığını bildirib. O, rusiyalı qonaqlara təşəkkür edərək, əsl dostluğun məsafə tanımadığını vurğulayıb.
Qeyd edək ki, "Kupalye" bayramı Belarusun Mogilyov vilayətinin Şklov rayonunun Aleksandriya aqroşəhərciyində keçirilir. Tədbirdə Rusiyanın 30-a yaxın regionundan dekorativ-tətbiqi sənət ustaları iştirak edirlər.
