“Meta” işçilərinin təxminən 13%-ni, yəni 11 mindən çox insanı işdən çıxaracaq.
Bu barədə korporasiyanın rəhbəri Mark Zukerberqin çərşənbə günü şirkətin saytında dərc olunmuş məktubunda deyilir.
“Mən komandamızın sayını təxminən 13% azaltmaq və 11 mində çox istedadlı işçimizi ixtisar etmək qərarına gəlmişəm”, - deyə o, bildirib.
Məktubda M. Zukerberq bu qərara görə məsuliyyət daşıdığını vurğulayıb. O, qərarın səbəblərindən biri kimi COVID-19 pandemiyası zamanı yanlış investisiyaları qeyd edib.
Şirkət həmçinin yeni işçilərin qəbuluna qoyulan qadağanı 2023-cü ilin birinci rübünə qədər uzadıb.
Mənbə: TASS
