Rusiya Prezidenti Vladimir Putin BRİKS sammitinin “outreach” formatında keçirilən iclasında təşkilatın Yeni İnkişaf Bankının potensialının gücləndirilməsinin və yeni investisiya platformasının yaradılmasının vacibliyini vurğulayıb.
Sherg.az xəbər verir ki, Putinin sözlərinə görə, yeni platforma yalnız BRİKS ölkələrinə deyil, təşkilatın tərəfdaş dövlətlərinə də uzunmüddətli kapital cəlb etməyə imkan verəcək.
Rusiya lideri bildirib ki, BRİKS ölkələri arasında daxili ticarət dövriyyəsi artıq 1,2 trilyon dollara çatıb. Onun sözlərinə görə, birlik dünya ixracının təxminən dörddə birini və qlobal ÜDM artımının 49 faizini təşkil edir.
Putin bu mexanizmlərin üzv ölkələrin iqtisadi suverenliyinin möhkəmləndirilməsində mühüm rol oynadığını qeyd edib.
