Böyük Britaniyada yerləşən "Shadow Robot" şirkəti üçbarmaqlı robot əl hazırlayıb.
Sherg.az xəbər verir ki, insan əlindən 50 faiz böyük olan bu əlin çəkisi 4,5 kiloqramdır.
Onun çəkiclə vurulmağa və ya porşenlə sıxılmağa davamlı olduğu da qeyd edilib.
Açıqdan qapalıya cəmi 500 millisaniyədə keçə bilən bu əlin süni intellektli robotların yetişdirilməsi üçün istifadə ediləcəyi düşünülür.
Onun davamlılığının süni intellektə dünya ilə əlaqə qurmağı öyrədərkən zədələnməməsini təmin edəcəyi də qeyd edilib.
Robot əl Terminator filmindəki qırılmaz qatil robot texnologiyasına bənzədilib.
