ABŞ-nin Almaniyadan qoşunlarının bir hissəsini çıxarmaq planları NATO-nun dağılmasına işarə edə bilər.
Teleqraf xəbər verir ki, bu barədə NATO-nun keçmiş baş katibi Anders Foq Rasmussen “Die Welt” qəzetinə müsahibəsində bildirib.
“Hazırda müşahidə etdiyimiz proses NATO-nun dağılmasıdır və bu təhlükəlidir”, – Rasmussen deyib.
Keçmiş baş katibin sözlərinə görə, ABŞ Prezidenti Donald Tramp NATO-nun 5-ci maddəsinə və Avropanın müdafiəsinə sadiqliyi ilə bağlı çoxlu şübhələr yaradıb.
“Avropalılar üçün bundan çıxan yeganə nəticə odur ki, biz öz gücümüzə arxalanmalı və qitəmizi müstəqil şəkildə müdafiə etməyə hazır olmalıyıq”, – o vurğulayıb.
