Rusiya artıq özünü orta və yaxınmənzilli yerüstü raketlərin yerləşdirilməsinə dair moratoriuma bağlı hesab etmir.
Teleqraf xəbər verir ki, bu barədə Rusiya Xarici İşlər Nazirliyinin bəyanatında deyilir.
XİN bu qərarı “kollektiv Qərbin” Rusiya ilə sərhəd regionlarda “raket potensialının” artmasına gətirib çıxaran addımları ilə əlaqələndirib.
“Bu addımlar regional və qlobal sabitlik üçün ciddi fəsadlara səbəb ola bilər”, - bəyanatda bildirilir.
Qeyd olunur ki, getdikcə daha çox ABŞ istehsalı olan orta və yaxınmənzilli yerüstü raketlər Avropa və Asiya-Sakit okean regionunda yerləşdirilir.
“Rusiya Xarici İşlər Nazirliyi analoji silahların yerləşdirilməsinə birtərəfli moratoriumun saxlanması şərtlərinin aradan qalxdığını qeyd edir”, - nazirlikdən bildirilib.
