Rusiya Müdafiə Nazirliyi Qara dənizin şimal-qərb hissəsində və Lipetsk vilayətində Ukraynanın hücumlarının qarşısını aldıqlarını bildirib.
Sherg.az xəbər verir ki, Rusiya Müdafiə Nazirliyindən verilən açıqlamada Ukraynanın S-200 raket sistemi ilə Rusiya ərazisindəki hədəflərə qarşı “terror hücumu” cəhdinin qarşısı alındığı bildirilib.
Açıqlamada Rusiyanın hava hücumundan müdafiə sistemlərinin Lipetsk bölgəsində Ukrayna raketini məhv etdiyi qeyd olunub.
Ukraynanın Rusiya ərazisinə növbəti hücumunun qarşısı Moskva vaxtı ilə saat 20.40 radələrində alındığı, Rusiya hava hücumundan müdafiə sistemlərinin Qara dənizin şimal-qərb hissəsində Ukraynaya məxsus təyyarə tipli pilotsuz uçuş aparatının vurulduğu bildirilib.
