“Əminəm ki, təzyiqlə Vladimir Putini atəşkəslə razılaşmaq üçün masa arxasına gətirə biləcəyik”.
Teleqraf xəbər verir ki, bunu NATO baş katibi Mark Rutte Ağ Evdə ABŞ Prezidenti Donald Trampla görüşündən sonra deyib.
“Biz xüsusilə müharibəni necə bitirə, NATO-nun Prezident Trampın baxışını dəstəkləmək üçün nə edə və Putinin prezidentin hər iki tərəfin olduqları yerdə dayanması ilə bağlı fikirlərini qəbul etməsi üçün nə edə biləcəyimizə fokuslanmışıq”, - o qeyd edib.
Baş katib əlavə edib ki, Donald Tramp əvvəllər də Ukrayna üçün təhlükəsizlik zəmanətlərinin təmin edilməsində iştirak etməyə hazır olduğunu açıqlayıb:
“Rusiya iqtisadiyyatı çətin vəziyyətdədir. Bizə məlumdur ki, bütün Rusiyada yanacaqdoldurma stansiyalarında uzun növbələr var. Bizə o da məlumdur ki, Fransa prezidenti və digər Avropa ölkələri kölgə donanmasına qarşı səylərini gücləndiriblər. Əlbəttə, ABŞ prezidenti bəzi Avropa ölkələrinə Rusiya neftinin alınmasını dayandırmaq üçün təzyiq göstərir. Bütün bunların təsiri var. Mən tam əminəm ki, təzyiq vasitəsilə Putini masaya gətirə və onu atəşkəsə razı sala, sonra isə digər danışıqlara keçə bilərik”.
