İngilis “The Guardian” qəzeti Suriyada 61 illik Baas rejiminin 8 dekabr 2024-cü ildə devrilməsindən sonra Rusiyaya qaçan Bəşər Əsədin lüks içində yaşadığını və maraqlı detalları paylaşıb.
Sherg.az xəbər verir ki, Suriya rejimi devrildikdən sonra Moskvaya qaçan Bəşər Əsədin təkrar tibbi təhsil aldığı və oftalmologiya dərsləri aldığı xəbər verilib. Əsədlə əlaqədə olan mənbə bildirib: “O, rus dili öyrənir və oftalmologiya biliklərini yeniləyir. Bu onun həvəsidir, pula ehtiyacı yoxdur. Suriyada müharibə başlamazdan əvvəl də Şamda mütəmadi olaraq oftalmologiya praktikası aparırdı.” Mənbə əlavə edib ki, Moskva elitası onun hədəf müştəri qrupunu təşkil edə bilər.
Xəbərdə qeyd olunur ki, rejim devrildikdən bir il sonra Əsəd ailəsi Moskva və BƏƏ-də izolyasiya edilmiş, sakit və lüks həyat yaşayır. Mənbələr bildirir ki, ailə ehtimal ki, Rublyovka prestijli rayonunda, keçmiş Ukrayna prezidenti Viktor Yanukoviçin yaşadığı ərazidə yaşayır.
Ailə dostu bildirib ki, Əsəd çox sakit bir həyat sürür və xarici dünya ilə demək olar ki, əlaqəsi yoxdur. Əlaqəsi yalnız Suriya dövlət başçılığı işləri naziri Mansur Azzam və İqtisadi Məsləhətçi Yasar İbrahim kimi keçmiş saray əməkdaşları ilədir. Kremlin yaxın mənbəsi isə Bəşər Əsədin Putin və Rusiyanın siyasi elitası üçün əhəmiyyətsiz olduğunu bildirib: “Putin iqtidarını itirən liderlərə qarşı çox səbirli deyil. Bəşər Əsəd artıq təsirli bir fiqur hesab edilmir və hətta nahar dəvəti alacaq maraqlı qonaq kimi də görünmür.”
Bəşər Əsədin qardaşı Mahir Əsədin bir dostu deyib: “Mahir günlərdir Bəşəri axtarırdı, amma o telefonu açmırdı. Son saniyəyə qədər sarayda qaldı, suriyalılar onun nargilə kömürlərinin hələ də isti olduğunu gördülər. Başqalarının qaçmasına kömək edən Mahir idi, Bəşər yalnız özünü düşündü.”
Bəşər Əsədin əmisi Rıfat Əsədin vəkili Elie Hatem bildirib ki, Bəşər qaçdıqdan sonra ailə Suriyadan necə çıxacağını bilmədiyi üçün panikaya düşüb. Hmeymim Hava Bazası’nda Rus əsgərlərinə Əsəd ailəsi olduqlarını bildirsələr də, dil bilmədikləri üçün bazanın qarşısında avtomobildə yatmalı olublar. Sonra yüksək rütbəli bir rus məmurunun müdaxiləsi ilə Umana qaça biliblər.
Bəşərin həyat yoldaşı Əsma Əsədin sağlamlıq vəziyyətinin sabitləşdiyi bildirilib. Bəşər isə öz hekayəsini danışmaq üçün Amerikan podkast aparıcısı ilə müsahibələr ayarlayıb, amma mediaya çıxmaq üçün rus rəsmilərinin təsdiqini gözləyir.
Ailə dostu deyib ki, bir neçə ay əvvəl Əsəd uşaqları ilə bir araya gəlib və hələ də şok vəziyyətindədirlər. Rejimin devrilməsindən sonra yalnız 30 iyun tarixində qızları Zein Əsədin məzuniyyət mərasimində görünüblər. Zein və sinif yoldaşları da ailənin tədbirə qatıldığını təsdiqləyib, lakin uzun müddət qalmayıblar.
Mənbələr bildirir ki, uşaqlar və anası vaxtlarının çoxunu alış-verişdə keçirirlər. Zein Əsəd lüks geyimlər alır və Moskva’dakı seçkin bir idman zalının üzvüdür. Əsəd uşaqları tez-tez BƏƏ-ni ziyarət edir və Əsma ən az bir dəfə onlara qoşulur.
Başlanğıcda ailə Moskva’dan BƏƏ-yə köçməyi düşünürdü, çünki BƏƏ onlar üçün daha tanış bir mühit idi. Mənbələr bildirir ki, uşaqlar rus dilini bilmir və rus sosial mühitində öz yerlərini tapmaqda çətinlik çəkiblər.
