Haaqada Rusiyanın Ukraynaya qarşı müharibəsi nəticəsində dəymiş ziyana görə kompensasiya tələblərini dinləyəcək beynəlxalq komissiya yaradılacaq.
Teleqraf xəbər verir ki, bu barədə Ukrayna Prezidenti Volodimir Zelenskinin Niderlanda səfəri zamanı xarici işlər naziri David van Veel bildirib.
Qeyd olunur ki, Ukraynada iddialar fərdlər, təşkilatlar və dövlət qurumları tərəfindən qaldırıla bilər. Komissiya xüsusi olaraq yaradılmış fonddan ödəniləcək kompensasiya məbləğini müəyyən edəcək. Avropa Şurasının baş katibi Alen Bersetin sözlərinə görə, artıq Rusiyaya qarşı 86 min iddia qaldırılıb.
"Uinan"ın məlumatına görə, Ukrayna hərbi əməliyyatlar zamanı artan emissiyalar nəticəsində yaranan qlobal istiləşmənin vurduğu ziyana görə Rusiyadan təxminən 44 milyard dollar təzminat tələb edəcək.
