Venesuelanın prezidenti vəzifəsini icra edən Delsi Rodriges ölkədə ümumi amnistiya haqqında qanunun irəli sürüləcəyini bəyan edib.
APA xəbər verir ki, Rodriges bunu Ali Məhkəmədə məhkəmə fəaliyyətinin açılışına həsr olunmuş mərasimdə çıxışı zamanı deyib.
Onun sözlərinə görə, sözügedən amnistiya 1999-cu ildən bu günə qədər olan dövrü əhatə edəcək.
Delsi Rodriges məhkəmə islahatı üzrə komissiyaya və demokratik birgəyaşayış və sülh proqramına ümumi amnistiya haqqında qanun layihəsini yaxın vaxtlarda Milli Assambleyanın (parlamentin) müzakirəsinə təqdim etməyi tapşırıb.
