Prezident Volodimir Zelenski Ukraynanın Rusiya neft infrastrukturuna endirdiyi uğurlu zərbələr nəticəsində Moskvanın böyük itkilər verdiyini bildirib.
Teleqraf xəbər verir ki, dövlət başçısı son zərbə kampaniyaları zamanı Rusiyanın azı 7 milyard dollar həcmində zərərə məruz qaldığını deyib.
Prezidentin sözlərinə görə, aprel ayının yekunlarına əsasən Ukraynanın uzaqmənzilli hücumları üç istiqamət üzrə yeni səviyyəyə çatıb: Rusiya neft gəlirlərinin azaldılması, təsir məsafəsi və kampaniyaların intensivliyi.
“Ən minimal hesablamalara görə, təcavüzkar dövlət ilin əvvəlindən etibarən təkcə neft sənayesi və emalı müəssisələrinə dəqiq zərbələrimiz nəticəsində azı 7 milyard dollar itirib”, - Zelenski vurğulayıb.
Dövlət başçısı buna görə Ukrayna Müdafiə Qüvvələri, Milli Təhlükəsizlik Xidməti və kəşfiyyat orqanlarına təşəkkür edib.
“Uzaqmənzilli hücum kampaniyalarının istiqamətlərini genişləndirəcəyik. Qərarlar hazırlanır”, - o əlavə edib.
