Futbolun yaşayan əfsanəsi Kristian Ronaldo 2016-cı ildən bəri Georgina Rodriguez ilə münasibətdədir. Cütlük evliliyə hazırlaşarkən, aralarında hazırlandığı iddia olunan evlilik müqaviləsinin maddələri bütün dünyada gündəmə çevrilib.
Sherg.az xəbər verir ki, Kristian Ronaldo ilə Georgina Rodriguez arasında hazırlandığı iddia edilən evlilik müqaviləsinə dair detallar gündəmə gəlib. Müqavilədəki maddələr sosial şəbəkələrdə geniş müzakirələrə səbəb olub.
Müqavilənin ən diqqət çəkən maddələrindən biri Ronaldonun Georgina Rodriguezə aylıq 144 min dollar ödəməyi qəbul etdiyinə dair iddiadır. Eyni zamanda, dəyəri 5,6 milyon dollar olan bir malikanənin mülkiyyət sənədinin də Georgina Rodriguezə veriləcəyi irəli sürülür.
Georgina Rodriguezin həyat standartlarına dair maddələrin də müqavilədə yer aldığı bildirilir. Bu maddəyə əsasən, tətillər, xərclər və ümumi yaşayış xərcləri də təminat altına alınır.
Kristian Ronaldo və Georgina Rodriguez tərəfindən bu iddialarla bağlı hələlik heç bir açıqlama verilməyib. Bununla belə, müqavilə maddələri sosial mediada müzakirə olunmağa davam edir.
