“Barselona”nın futbolçusu Lamin Yamal komanda yoldaşı Qaviyə dəstək olub.
QOL.az xəbər verir ki, o, sosial şəbəkə hesabında yazaraq ispaniyalı yarımmüdafiəçi ilə birgə fotosunu paylaşıb.
“Döyüşçüm, qətiyyən şübhəm yoxdur ki, əvvəlki kimi güclü qayıdacaqsan. Səni heç nə dayandıra bilməz. Hamımız səni gözləyirik. Çox güc arzulayıram. Səni sevirəm”.
Xatırladaq ki, Qavi avqustun əvvəlində zədələnmişdi. 21 yaşlı oyunçunun menisk əməliyyatından sonra 4-5 ay yaşıl meydanlardan kənarda qalacağı və ən tez fevralda geri dönəcəyi bildirilir.
