"Yuventus"un niderlandlı yarımmüdafiəçisi Tyon Kopmeyners yay transfer pəncərəsində Turin klubundan ayrıla bilər.
QOL.az xəbər verir ki, "Corriere dello Sport" nəşrinin məlumatına görə, 28 yaşlı futbolçu İtaliya təmsilçisinin gələcək planlarında yer almayıb.Turin rəhbərliyi niderlandlı oyunçunu 30-35 milyon avro qarşılığında satmağa hazır olduğunu bəyan edib.
Xatırladaq ki, Kopmeyners 2024-cü ildə "Atalanta"dan "Yuventus"a 58 milyon avroya transfer olunub. Hazırda "Transfermarkt" portalı təcrübəli yarımmüdafiəçinin bazar dəyərini 20 milyon avro məbləğində qiymətləndirir.
Qeyd edək ki, futbolçunun hazırkı müqaviləsi 2029-cu ilin yayına qədər qüvvədədir və o, cari mövsümdə meydana çıxdığı 39 matçda 2 qol, 1 məhsuldar ötürmə ilə yadda qalıb.
