ABŞ və Çin nümayəndələri Londonda ticarət danışıqlarını başa çatdırıblar.
Teleqraf xəbər verir ki, bu barədə “Reuters” adını çəkmədiyi amerikalı rəsmiyə istinadən məlumat yayıb.
Məlumata görə, iyunun 9-da başlayan danışıqlarda Çin tərəfini Baş nazirin müavini Xe Lifen təmsil edib. Amerika nümayəndə heyətinə maliyyə naziri Skott Bessent, ticarət naziri Hovard Lutnik və ABŞ-ın ticarət nümayəndəsi Ceymison Qri daxil idi.
Çin və ABŞ arasında ticarət-iqtisadi məsləhətləşmələr mexanizmi mayın 10-dan 11-dək Cenevrədə keçirilən danışıqlardan sonra yaradılıb. Həmin görüşdə Pekin və Vaşinqton may ayına qədər məbləği 100 faizdən çox olan qarşılıqlı rüsumları qismən azaltmaq barədə razılığa gəliblər.
İyunun 5-də Çin prezidenti Si Cinpin və ABŞ Prezidenti Donald Tramp arasında telefon danışığı olub. Onlar mümkün qədər tez bir zamanda ticarət-iqtisadi danışıqların yeni raundunun keçirilməsi barədə razılığa gəliblər.
