Ermənistan Baş naziri Nikol Paşinyan növbədənkənar parlament seçkilərinə gedə bilər.
Teleqraf xəbər verir ki, bu barədə “İravunk” qəzeti məlumat yayıb.
Erməni nəşri yazır ki, ötən ilin sonuna qədər hakim komandanın üzvü olan Ovik Ağazaryan hakimiyyətin yaxın çevrəsində gedən müzakirələrdən xəbərdardır, hələ də onların bəziləri ilə ünsiyyətini davam etdirir:
“Ağazaryanın fikrincə, Ermənistanın xarici siyasətində elə inkişaflar var ki, növbədənkənar seçkilər Paşinyanın maraqlarından irəli gəlir.
Hakim “Vətəndaş Müqaviləsi” Partiyasının keçmiş üzvü deyib: “Hazırda onun hakimiyyətini saxlamaq və planlarını həyata keçirmək üçün daha böyük fürsəti var. Təkcə baş verən hadisələr deyil, hakimiyyətin növbədənkənar seçkilərə getmək maraqlarından irəli gələn başqa səbəblər də var”.
Qeyd edək ki, erkən seçkilər olmasa, Ermənistanda növbəti parlament seçkiləri 2026-cı ilin iyununda keçiriləcək.
