Ermənistan xarici işlər naziri Ararat Mirzoyan Qazaxıstanın ölkəsindəki səfiri Bolat İmanbayevi qəbul edib.
Teleqraf xəbər verir ki, bu barədə Ermənistan Xarici İşlər Nazirliyindən məlumat verilib.
Bildirilib ki, Mirzoyan Ermənistan və Qazaxıstan arasında ikitərəfli münasibətlərin davamlı inkişafına böyük töhfə verən dinamik siyasi dialoqu məmnunluqla qeyd edib. Bu kontekstdə yüksək səviyyəli qarşılıqlı səfərlərin gündəliyində duran məsələlərə də toxunulub.
Həmsöhbətlər iki ölkə arasında iqtisadi əlaqələrin daha da inkişaf etdirilməsi imkanları ətrafında fikir mübadiləsi aparıblar, bu kontekstdə avqustun 8-də Azərbaycan və Ermənistan arasında Vaşinqtonda əldə edilmiş razılaşmaların əhəmiyyəti və regionda yaradılmış sülh və kommunikasiya şəbəkəsinin genişləndirilməsi vurğulanıb.
Ararat Mirzoyan Ermənistan-Qazaxıstan dostluq əlaqələrinin möhkəmlənməsi və inkişafında mühüm xidmətlərinə görə səfir Bolat İmanbayevi “Dostluq” ordeni ilə təltif edib.
