Türkiyə və Ermənistan iki ölkə arasında birbaşa ticarətin başlanması üçün hazırlıqları tamamlayıb.
Axar.az xəbər verir ki, bunu Türkiyə Xarici İşlər Nazirliyinin rəsmi nümayəndəsi Öncü Keçeli deyib.
"Ermənistanla 2022-ci ildən davam edən normallaşma prosesi kontekstində qəbul edilən etimad quruculuğu tədbirləri çərçivəsində ölkəmizlə İrəvan arasında birbaşa ticarətin başlanmasına dair hazırlıqlar 2026-cı il mayın 11-dən başa çatıb. İki ölkə arasında ümumi sərhədin açılması üçün zəruri texniki və bürokratik işlər davam edir", - o bildirib.
Qeyd edək ki, Ermənistan Baş naziri Nikol Paşinyan Türkiyə qanunvericiliyində dəyişiklik edildiyini və Ermənistanın Türkiyə məhsullarını idxal edən ölkələrin siyahısına əlavə olunacağını demişdi.
