MHP lideri Dövlət Baxçalı ABŞ və İsrailin İrana hücumlarını mənəvi baxımdan qəbuledilməz sayıb. O, İranın danışıqlar masasında tora düşdüyünü və bu hücumların regional və qlobal tarazlıqları pozacağını bildirib.
Sherg.az xəbər verir ki, Baxçalı həmçinin İranın ali dini lideri Əli Xamanein öldürülməsini “eşqıyalıq” adlandırıb və İran xalqına başsağlığı verib. O, “Daxili cəbhənin əhəmiyyəti və milli birliyin dəyəri zənnimcə daha yaxşı başa düşülüb” deyə vurğulayıb.
MHP lideri həmçinin İranın ərazi bütövlüyünün qorunmasının vacibliyini qeyd edib və “Bu ölkənin parçalanması yalnız Türkiyəni deyil, bölgəni və qlobal siyasəti də mənfi təsir edəcək” deyə xəbərdarlıq edib.
Baxçalı "Terörsüz Türkiyə" prosesinə də toxunaraq, “Düşmənlərin məqsədini daha yaxşı görürsünüzmü?” sualını verib və Türkiyənin bölgədə məzlumların təminatçısı olduğunu vurğulayıb.
