Türkiyə Prezidenti Rəcəb Tayyib Ərdoğan Şimali Kipr Türk Cümhuriyyətində prezident seçkilərində qalib gələn Cümhuriyyətçi Türk Partiyasının sədri Tufan Ərhürmanı təbrik edib.
Axar.az xəbər verir ki, Ərdoğan bu barədə X səhifəsində yazıb.
"ŞKTC-də keçirilən seçkilərin qeyri-rəsmi nəticələrinə görə, bu gün prezident seçilən cənab Tufan Ərhürmanı təbrik edirəm. ŞKTC-nin demokratik yetkinliyini bir daha nümayiş etdirən, kiprli türk qardaşlarımızın iradəsini seçki qutusunda əks etdirən bu seçkinin ölkələrimiz və regionumuz üçün faydalı olacağına ümid edirəm. Türkiyə olaraq ŞKTC-nin suverenlik hüquq və mənafelərini kiprli türk qardaşlarımızla birlikdə hər platformada müdafiə etməyə davam edəcəyik", - Ərdoğan vurğulayıb.
Qeyd edək ki, Şimali Kipr Türk Cümhuriyyətində (ŞKTC) oktyabrın 19-da keçirilən prezident seçkilərində, ilkin nəticələrə görə, Cümhuriyyətçi Türk Partiyasının sədri Tufan Ərhürman qələbə qazanıb.
