Türkiyə Prezident Rəcəb Tayyib Ərdoğanın Türkiyədə rəsmi səfərdə olan Monqolustan Prezidenti Uxnaaqiyn Xurelsux ilə görüşündən sonra iki ölkə arasında 10 sahədə əməkdaşlıq müqaviləsi imzalanıb.
Sherg.az xəbər verir ki, Prezident Ərdoğan birgə mətbuat konfransında Qəzzadakı vəziyyətə də toxunub:
"Dünən gecə Həmas ilə İsrail arasında əldə olunan atəşkəsə də toxunmaq istərdim. Ümid edirəm ki, atəşkəs İsrail zülmünə müqavimət göstərən hər kəsə, Qəzza xalqına və fələstinli qardaşlarımıza faydalı olacaq. Başda Qətər və Misir olmaqla vasitəçilik edən ölkələrə təşəkkür edirik. Qəzzə təslim olmadı, Qəzzə camaatı zalımın qarşısında baş əymədi. Dünən gecə Qəzza küçələrinə yayılan sevinc və qürur bu qəhrəmanlığın nəticəsidir.
Bəşəriyyətin ittifaqı olaraq atəşkəsə əməl olunmasını təmin etmək və Qəzzada yaraları sağaltmaq üçün bundan sonra daha çox çalışmalıyıq.
Bizi regiona humanitar yardımın çatdırılması kimi çox mühüm vəzifələr gözləyir. Qəzzada yaraların sağalması üçün çox iş görülməlidir. Suriya belədir, Qəzza belədir. İsrailin razılaşmaya baxmayaraq hücumlarını davam etdirməsi narahatlığımızı artırır. İsrail hökumətinin atəşkəsi pozmasına icazə verilməməlidir. Beynəlxalq ictimaiyyət Qəzza xalqına qarşı hüquqi və mənəvi məsuliyyətini yerinə yetirməlidir. İllərdir dediyimiz kimi, Yaxın Şərqdə davamlı sülh yalnız Fələstində davamlı sülhlə mümkündür. İnanırıq ki, 1967-ci il sərhədləri daxilində paytaxtı Şərqi Qüds olan müstəqil, suveren Fələstin dövlətinin yaradılması üçün sülh danışıqları mümkün qədər tez başlayacaq".
