Moskvada Rusiya xarici işlər naziri Sergey Lavrovla Ərəb Dövlətləri Liqasının baş katibi Əhməd Əbu əl-Qeyt arasında danışıqlar başlayıb.
APA-nın Moskva müxbiri xəbər verir ki, danışıqların protokol hissəsində çıxış edən Lavrov Rusiya Federasiyası və Ərəb Liqasının Fələstin-İsrail münaqişəsində qan tökülməsinə son qoymağa töhfə verə biləcəyini söyləyib. Bildirib ki, Fələstin-İsrail münaqişəsinin kəskin şəkildə gərginləşməsi indiki status-kvonun dayanıqlı olmadığını göstərdi.
“Fələstin-İsrail qarşıdurması təcili dayandırılmalıdır”, deyə Rusiya XİN başçısı vurğulayıb.
