Antalyada Prezident Rəcəb Tayyib Ərdoğanın iştirakı ilə keçirilən Antalya Diplomatiya Forumu başlayıb. Prezident Ərdoğan ard-arda diplomatik görüşlər keçirib.
Sherg.az xəbər verir ki, dünyanın bir çox lideri və hökumət rəsmisi, “Ayrılan Dünyada Diplomatiyanı Sahiblənmək” mövzusunda keçirilən 4-cü Antalya Diplomatiya Forumu (ADF2025) üçün bir araya gəlib.
ADF2025, Prezident Rəcəb Tayyib Ərdoğanın himayəsi və Türkiyə Xarici İşlər Nazirliyinin ev sahibliyində təşkil olunur. Forumun açılış nitqini Prezident Ərdoğan edəcək.
ADF2025-ə 20-dən artıq dövlət və hökumət başçısı, 50-dən çox xarici işlər naziri olmaqla ümumilikdə 70-dən çox nazir, təxminən 60 beynəlxalq təşkilat təmsilçisi və tələbələr də daxil olmaqla 4 mindən çox qonaq qatılıb.
Forum çərçivəsində təşkil olunacaq 50-dən çox sessiyada Yaxın Şərqdən Asiya-Sakit okean bölgəsinə, Afrikadan Latın Amerikasına qədər uzanan geniş coğrafiyaları əhatə edən məsələlərlə yanaşı, iqlim dəyişikliyi, terrorla mübarizə, humanitar yardım, rəqəmsallaşma, qida təhlükəsizliyi və süni intellekt kimi qlobal gündəmin əsas mövzuları müzakirə olunacaq.
Prezident Rəcəb Tayyib Ərdoğan, 4-cü Antalya Diplomatiya Forumu çərçivəsində bir sıra ikitərəfli görüşlər keçirib.
Prezident Rəcəb Tayyib Ərdoğan, Antalya Diplomatiya Forumu üçün şəhərə gələn Azərbaycan Prezidenti İlham Əliyevlə görüşüb. Görüş, Prezident Ərdoğanın qaldığı oteldə baş tutub və mətbuata qapalı şəkildə keçirilib.
