“Avropa İttifaqı (Aİ) tərəfindən Gürcüstanın Kulevi limanına sanksiya tətbiq edilməsini qəti şəkildə dəstəkləyirəm”.
Teleqraf xəbər verir ki, bunu Gürcüstanın keçmiş prezidenti Mixeil Saakaşvili deyib.
“Qəti şəkildə Kulevi limanına sanksiya tətbiq edilməsini dəstəkləyirəm. Bu, Rusiya ilə Bidzina İvanişvilinin ortaq maraqlarına xidmət edən, korrupsiyalaşmış fəaliyyətdir və Ukraynaya qarşı müharibənin maliyyələşdirilməsinə töhfə verir”, - o bildirib.
Qeyd edək ki, “Bloomberg” agentliyi bundan öncə Aİ-nin Gürcüstanın Qara dənizdəki limanına qarşı sanksiya tətbiq edə biləcəyi barədə məlumat yaymışdı.
