Baş nazir Nikol Paşinyan Qarabağ hərəkatını Ermənistanın dövlətçiliyinə təhlükə adlandırıb.
APA “Sputnik Armenia”ya istinadən xəbər verir ki, hökumət başçısı bunu bu gün Ermənistan parlamentində çıxışı zamanı deyib.
O bildirib ki, hərəkatın bərpasına hər hansı cəhd ölkə üçün dağıdıcı olacaq.
Onun sözlərinə görə, Ermənistan müstəqilliyini elan etdikdən sonra ilk növbədə Qarabağ probleminin həllinə yönəlmiş dövlət modeli hazırlanıb. Qalan hər şey bu fikrə qurban verilib. Paşinyan özü də əvvəlcə bu modellə razılaşıb. Lakin sonradan əlində olan məlumatlara əsaslanaraq başa düşüb ki, əgər Ermənistan üçün müstəqillik Qarabağ probleminin həlli vasitəsi idisə, bəzi xarici oyunçular üçün Qarabağ məsələsinin özü Ermənistanın inkişafının qarşısını almaq, sonra isə onun dövlətçiliyini alçaltmaq üçün bir vasitədir.
Paşinyan bəyan edib ki, Qarabağ hərəkatının davam etdirilməsi cəhdi dağıdıcıdır, çünki o, Ermənistanın müstəqilliyinə və suverenliyinə qarşı alət olub və olaraq qalır.
Paşinyan
Etmənistan
Qarabağ
