"İşgüzar qadınlara dəstək və onlar arasında əməkdaşlığı təşviq etmək üçün biz SPECA-nın Qadın Sahibkarları Şurasının yaradılmasını təklif edirik".
APA xəbər verir ki, bunu Özbəkistan Prezidenti Şavkat Mirziyoyev Bakıda keçirilən SPECA-nın Zirvə görüşündə çıxışı zamanı deyib.
“Şura çərçivəsində qadınların ümumi əməkdaşlımıza töhfəsinin təşviqi üçün SPECA beynəlxalq mükafatının təsis edilməsini təklif edirik”, - o əlavə edib.
Özbəkistan Prezidenti çıxışında üzv ölkələri Əfqanıstanla əməkdaşlığı bərpa etməyə çağırıb.
"Biz istəyirik ki, Əfqanıstanl dialoq qurulsun, biz bu ölkəni təcrid etməyək".
O deyib ki, bu təhlükəsizlik, inkişaf üçün vacibdir.
