Sentyabrın 19-da Füzulidə yol qəzasında həlak olan polis əməkdaşı, 1994-cü il təvəllüdlü Abdullayev Seyfi Fəqan oğlu ilə vida mərasimi keçirilib.
"Report"un yerli bürosu xəbər verir ki, onun cənazəsi bu gün Şamaxı şəhərindəki Cümə məscidinə gətirilib. Məsciddə cənazə namazı qılındıqdan sonra mərhumun cənazəsi dəfn oluması üçün Şamaxının Qəleybuğurd kəndində, mərhunun ata yurduna gətirilib.
Vida mərasimində Şamaxı Rayon İcra Hakimiyyətinin rəhbərliyi, rayonun hüquq-mühafizə orqanları əməkdaşları, eləcə də rayon ictimaiyyətinin nümayəndələri, şəhid ailələri iştirak ediblər.
Mərhum Seyfi Abdullayevin Qəleybuğurd kənd qəbiristanlığında torpağa tapşırılacaq.
Qeyd edək ki, sentyabrın 19-da saat 01:00 radələrində Füzuli rayonu ərazisində ağır yol-nəqliyyat hadisəsi nəticəsində polis serjantları Ələsgər Əsgərov, Seyfi Abdullayev və Rasim Məmmədov həyatını itirib.
