Ermənistan parlamentinin sədri Alen Simonyan ölkənin keçmiş prezidenti Levon Ter-Petrosyanın II Qaregin ilə görüşünə sərt reaksiya verib.
Teleqraf xəbər verir ki, o bu barədə "Telegram" kanalında yazıb.
"1 mart hadisələri zamanı Ter-Petrosyan xalqın taleyinə biganə qalıb və sonrakı açıqlamaları ilə məsuliyyətdən yayınmağa çalışıb. Ter-Petrosyan artıq xalqın yaddaşında nə müstəqilliyin simvolu, nə də böyük lider kimi qalacaq. Sən məğlubiyyətin, müstəqilliyin uğursuzluğunun və siyasi iflasın simvolusan”, – Simonyan bildirib.
Qeyd edək ki, iyunun 7-də Levon Ter-Petrosyan II Qaregin ilə görüşüb. Görüş zamanı o, katolikosu dəstəklədiyini bildirib və Ermənistan hökumətinin kilsəyə qarşı atdığı addımları pisləyib.
