ABŞ prezidenti Donald Tramp gələn həftə Misirə səfəri zamanı Qəzza zolağında münaqişənin həlli ilə bağlı bir sıra ölkələrin liderləri ilə görüş keçirməyi planlaşdırır.
Trend-in məlumatına görə, bu barədə "Axios" portalı mənbələrə istinadən xəbər verib.
Məlumata əsasən, prezident Tramp gələn həftə Misirə səfəri zamanı Qəzza ilə bağlı dünya liderləri ilə zirvə görüşü keçirməyi planlaşdırır. Bildirilib ki, Almaniya, Fransa, Böyük Britaniya, İtaliya, Qətər, BƏƏ, İordaniya, Türkiyə, Səudiyyə Ərəbistanı, Pakistan və İndoneziya liderlərinin və ya xarici işlər nazirlərinin iştirakı gözlənilir.
Görüşü Misir prezidenti Əbdülfəttah əs-Sisi təşkil edir.
ABŞ rəsmi mənbələri “Trampın sammitdə iştirak etməyi planlaşdırdığını” qeyd edib. Görüş oktyabrın 13 və ya 14-də Şarm əl-Şeyxdə baş tuta bilər.
