ABŞ Prezidenti Donald Tramp ilə Rusiya Prezidenti Vladimir Putin telefon danışığı aparıb.
Sherg.az xəbər verir ki, Tramp - Putin telefon danışığının, ABŞ Prezidenti ilə Ukrayna Prezidenti Volodimir Zelenski arasında bu gün Ağ Evdə keçiriləcək görüşdən dərhal əvvəl baş verməsi diqqət çəkir. Analitiklər Trampın Rusiya-Ukrayna müharibəsinin sona çatdırılmasına yönəlmiş prioritet məsələləri gündəmə gətirəcəyi ehtimalını vurğulayırlar.
Kremlin sözçüsü Dmitriy Peskov bildirib ki, ABŞ Ukrayna böhranının həlli ilə bağlı danışıqlarda baş verən durğunluğun fərqindədir:
“Amerikalılar mövzuya hakimdirlər. Müəyyən kanallar vasitəsilə əlaqələr davam edir.”
Peskov Moskva paytaxtında jurnalistlərə gündəlik məsələləri şərh edib.
“ABŞ Ukrayna böhranının həlli prosesində vasitəçilik etməyə davam edirmi?” sualına cavab olaraq Peskov deyib: “Əlbəttə, Amerikalılar baş verən durğunluğun fərqindədirlər. Amerikalılar mövzuya hakimdir. Müəyyən kanallar vasitəsilə əlaqələr davam edir.”
Peskov ABŞ tərəfindən Ukraynaya Tomahavk raketlərinin verilməsi ehtimalına da münasibət bildirib: “Bu tip silahlar, ABŞ-lı mütəxəssislərin istifadəsi prosesində iştirakını tələb edir. Bu açıq həqiqətdir. Bütün mütəxəssislər bunu yaxşı başa düşür və fərqindədirlər.”
