ABŞ Prezidenti Donald Tramp son vaxtlar İranın yenidən bombardman edilməsi ilə bağlı məsləhətçiləriylə müzakirələr aparsa da, sonda Tehrana davamlı təzyiqin saxlanılması qərarını verib.
Teleqraf xəbər verir ki, bu barədə “The Wall Street Journal” ABŞ rəsmilərinə istinadla məlumat yayıb.
Nəşrin yazdığına görə, Tramp administrasiyasının üzvləri gözləmə mövqeyinə üstünlük verirlər. Onların fikrincə, maksimum təzyiq siyasəti əvvəllər nəticə verib, yenə də verəcək.
Donald Tramp və komandası İrana maksimum təzyiqi qeyri-müəyyən müddətə - ABŞ-yə konkret təkliflər verilənədək davam etdirmək qərarına gəlib. Amerika lideri bundan sonra danışıqların davam etdirilməsinə və ya yeni hücum dalğasına başlamaq barədə qərar verəcək.
