Türkiyənin Baş Qərargah rəisi, ordu generalı Metin Gürak, NATO-nun Avropadakı Müttəfiq Qüvvələrinin Ali Baş Komandanı, ordu generalı Kristofer Kavoli və İngiltərə Baş Qərargah rəisi, admiral Toni Radakin ilə Suriyadakı hadisələrlə bağlı ayrı-ayrılıqda telefonla danışıb.
Sherg.az xəbər verir ki, Türkiyə Silahlı Qüvvələrinin sosial media hesabında yer alan paylaşımda bu barədə məlumat verilib:
"Baş Qərargah rəisi, ordu generalı Metin Gürak dekabrın 8-də NATO Müttəfiq Qüvvələrinin Avropadakı Ali Komandanı (SACEUR) general Kristofer Kavoli və Böyük Britaniya Baş Qərargah rəisi admiral Toni Radakin ilə ayrıca telefon danışığı aparıb. Suriyada hadisələrin inkişafı diqqət mərkəzində olub".
