Rusiya Fələstin-İsrail münaqişəsinin həlli istiqamətində ABŞ prezidenti Donald Trampın bütün səylərini dəstəkləyir.
APA-nın Moskva müxbiri xəbər verir ki, bunu Kremlin rəsmi nümayəndəsi Dmitri Peskov bildirib.
Onun sözlərinə görə, Rusiya ABŞ prezidentinin planının reallaşmasını istəyir.
Putin sözçüsü onu da vurğulayıb ki, Moskva Vaşinqtonun Yaxın Şərq sülh planında iştirak etmir: ”Rusiya ABŞ-dan bununla bağlı heç bir siqnal almayıb. Moskva Yaxın Şərq münaqişəsinin tərəfləri ilə təmas saxlayır və lazım gələrsə, münaqişənin sülh yolu ilə həllinə səy göstərməyə hazırdır”.
