Ağstafa sakinini elektrik cərəyanı vurub.
"Report"un Qərb Mərkəzinin məlumatına görə, hadisə Ağstafa şəhər ərazisində qeydə alınıb. Belə ki, 1971-ci il təvəllüdlü Abbasov Siyavuş Eldar oğlu iş görən zaman ehtiyatsızlıq edib, bu zaman onu elektrik cərəyanı vurub.
Müxtəlif dərəcəli yanıq xəsarətləri alan S.Abbasov əvvəlcə Ağstafa Rayon Mərkəzi Xəstəxanasına aparılıb, orada ilkin tibbi yardım aldıqdan sonra isə Bakı şəhərində yerləşən xəstəxanaların birinə göndərilib.
Faktla bağlı araşdırmalara başlanılıb.
