Bakı Dövlət Universitetinin Fizika fakültəsinin Nəzəri fizika kafedrasının laborantı Sevinc Rəhimova vəfat edib.
Bakupost.az xəbər verir ki, bu barədə sosial şəbəkədə bildirilib.
Qeyd edilib ki, Sevinc Rəhimova 1976-cı ildə Bakı şəhərində anadan olub. 1983-1993-cü illərdə Bakı şəhəri 151 nömrəli tam orta məktəbdə təhsil alıb. 1993-1997-ci illərdə BDU-nun Fizika fakültəsində bakalavr təhsili alaraq, 1997-1999-cu illərdə magistr dərəcəsi üzrə təhsilini davam etdirib.
2003-2007-ci illərdə BDU-nun Nəzəri fizika kafedrasının qiyabi aspirantı olan Sevinc Rəhimova, 2001-ci ildən etibarən Nəzəri fizika kafedrasının laborantı vəzifəsində çalışıb. O, həmçinin 5 elmi məqalənin müəllifi olub və tədqiqat sahəsi lepton-nuklon qarşılıqlı təsirlərində polyarizə olunmuş lyambda hiperonlarının yarıminklüziv alınması idi.
Bakı Dövlət Universitetinin rəhbərliyi və kollektivi Sevinc Rəhimovanın vəfatından dərin kədərləndiyini və ailəsinə başsağlığı verdiklərini bildirir.
Allah rəhmət eləsin!
