Avqustun 19-da saat 21 radələrində Gəncə şəhəri ərazisində yetkinlik yaşına çatmayan K.N.-nin (şərti) öldürülməsi barədə şəhər prokurorluğuna məlumat daxil olub.
Gəncə Şəhər Prokurorluğundan Teleqraf-a verilən məlumata görə, araşdırmalarla yetkinlik yaşına çatmayan R.B.-nin (şərti) șəhərin Dəmiryolu vağzalı ərazisində mübahisə zamanı bıçaqla xəsarət yetirərək K.N.-ni (şərti) qəsdən öldürməsinə əsaslı şübhələr müəyyən edilib
Faktla bağlı Gəncə șəhər prokurorluğunda Cinayət Məcəlləsinin 120.1 (qəsdən adam öldürmə) maddəsilə cinayət işi başlanıb, R.B (şərti) iş üzrə şübhəli şəxs qismində tutulub.
Hazırda ibtidai istintaq davam edir.
