İsmayıllı rayonu Mollaisaqlı kəndində yaşayış evi yanıb.
"Sherg.az"ın məlumatına görə, hadisə zamanı ev sahibi Nofəl Mürsəl oğlu Mürsəlov övladlarının təhsili ilə əlaqədar Bakıda olub. Onun 3 övladı var. Onlardan ikisi yüksək nəticə ilə univeristitetə daxil olublar. Qızı Tibb Universitetində, oğlu isə Ali Neft Akademiyasında təhsil alır.
Bəzi saytlarda 4 otaqlı evin yanmasına ilkin səbəb kimi elektrik naqilindəki qısaqapanma göstərilib.
Lakin Zərərçəkmiş Nofəl Mürsəlov "Sherg.az"a açıqlamasında deyib ki, evinin elektrik qısaqapanmasından yanması dəqiq deyil:
"Gəlib evə baxıb gediblər, yəni vəziyyət barədə məlumatları var, amma hələlik heç nə yoxdur. Elektrik xəttinə görə yanğının çıxması xəbəri doğru deyil. Daha doğrusu, hələlik bilinmir ki, ev nədən, hansı səbəbdən yanıb. Bizim üçün də müəmmalıdır, özümüz də bilmədik. Yanğın elektrik xəttləri, yəni sayğac olan yerdən yox, mərkəzdən başlayıb. İşıqlar söndürülüb, qaz xətti də bağlı olub. Yanğına görə heç kimdən şübhələnmirəm. Amma maraqlıdır ki, evimiz niyə yanıb. Başqa heç nə bilmirik".
Zərərçəkmiş ailənin aztəminatlı olduğu bildirilib:
"Əlbəttə, yanğına görə, yerli qurumların bizə köməklik göstərməsi, zərərin konpensasiya edilməsi çox yaxşı olardı. Ev yananda mən kənddə olmamışam. İcra nümayəndəliyindən bir-iki dəfə gəlib baxanlar olub, hələ heçnə deməyiblər".
Zərərçəkmişə hər hansı kompensasiya verilib-verilməyəcəyi məlum deyil. Evlə yanaşı, içindəki bütün əşyalar da külə dönüb.
