İstanbulun Fatih rayonunda bir oteldə ölü tapılan iki qardaşla bağlı yeni detallar üzə çıxıb.
Sherg.az xəbər verir ki, polis əməkdaşlarının apardığı araşdırmalar nəticəsində onların Beyoğlunda yemək yediyi iki müəssisə müəyyən edilib. İş yeri sahibləri E.K., B.K., A.K. və T.M.Ç. şübhəli qismində saxlanılıb.
Nümunələr ekspertiza üçün Ədliyyə-Tibb Qurumuna göndərilib.
Saxlanılan şəxslər polis idarəsindəki prosedurlardan sonra məhkəməyə göndərilib.
Şübhəlilərdən E.K. ev həbsinə, digərləri isə məhkəmə nəzarəti (adli kontrol) şərti ilə sərbəst buraxılıb.
22 avqust 2025-ci ildə İstanbulun Fatih rayonunda yerləşən bir oteldə, Hollandiyadan tətil üçün Türkiyəyə gələn Raşid Mohammed Ajoeb (57), oğulları Mohammed Jamil Yusuf (17) və Mohammed Yazdani (15) ilə birlikdə axşam Taksimə gəzintiyə çıxmışdı.
Ata və oğullar gəzintidən sonra yemək yeyib axşam otelə qayıtmışdılar.
Səhər saatlarında otel əməkdaşları onların otağından səslər eşidəndə daxil olub uşaqları hərəkətsiz halda yerə yıxılmış, ataları isə özünü pis hiss edən vəziyyətdə tapmışdılar.
İki uşaq hadisə yerində həyatını itirmiş, ata isə xəstəxanaya yerləşdirilmişdi.
