Böyrəyini satmaq istədiyi iddia edilən şəxs və alıcı xəstənin İstanbulda mühakimə olunduğu işdə məhkəmə hər iki müttəhimə "orqan alveri və cinayətə vasitəçilik etməyə cəhd" ittihamı ilə 1 il müddətinə azadlıqdan məhrum edilib.
Sherg.az türk mediasına istinadən xəbər verir ki, İstanbulda böyrəyini satmaq istəyən şəxs və alıcı xəstəyə həbs cəzası verilib.
İstanbul Asliye Cəza Məhkəməsində keçirilən prosesdə müttəhimlər Emrah Z. və Orhan T. və vəkilləri iştirak ediblər.
Son müdafiə çıxışlarından sonra işə qərar verən məhkəmə təqsirləndirilən şəxslərin “orqan və toxuma alveri” ittihamı ilə azadlıqdan məhrum edilməsinə qərar verib.
Turan
