“TikTok”dakı reseptlə yumurta bişirməyə çalışan qadının üzü yanıb.
Lenta.ru-nun məlumatına görə, bununla bağlı zərərçəkən özünün sosial şəbəkədəki hesabında videolar paylaşıb.
Bildirilir ki, 25 yaşlı britaniyalı Şantel Konuey “TikTok”da öyrəndiyi üsulla mikrodalğalı sobada “paşot yumurta” bişirməyə qərar verib. O, məşhur resepti təkrarladıqdan sonra yumurtanı qaynayan su olan qabdan soyuq metal qaşıqla çıxarmaq istəyib. Nəticədə qaynar su onun bütün üzünü və boğazını yandırıb.
“Su bütün üzümə yayıldı. Bu mənim başıma gələn ən pis şeydir”, - deyə britaniyalı hadisə barədə danışıb.
