Türkiyənin Kartalkaya dağ-xizək kurortunda yerləşən “Grand Kartal” hotelində baş verən güclü yanğına səbəb aşpazların səhlənkarlığı olub.
Bakupost.az xəbər verir ki, bu barədə “Sabah” qəzeti istintaq məlumatlarına istinadən məlumat yayıb.
Məlumata görə, yanğın yanvarın 21-də yerli vaxtla saat 03:21-də aşpazların qonaqlar üçün səhər yeməyi hazırladığı mətbəxdə baş verib. Onlar alovlanan yağın üzərinə su tökməyə başlayıblar, bu da yanğının bütün otağa yayılmasına səbəb olub. Bundan sonra aşpazlar küçəyə qaçıblar, alov tez bir zamanda hotelin bütün mərtəbələrinə yayılıb.
