Avropa İttifaqının Xarici İşlər Şurasının iclasında Azərbaycan və Ermənistan ətrafındakı son vəziyyət müzakirə olunacaq.
APA xəbər verir ki, noyabrın 13-də keçiriləcək iclasa Aİ-nin Xarici işlər və Təhlükəsizlik siyasəti üzrə Ali Nümayəndəsi Cozep Borrel sədrlik edəcək.
Aİ-nin xarici işlər nazirləri iclasda Rusiya-Ukrayna münaqişəsini, Azərbaycan və Ermənistan ətrafındakı son hadisələri müzakirə edəcəklər.
Noyabrın 14-də isə nazirlər İsrail, regiondakı vəziyyət və cari məsələlər, həmçinin Aİ-nin Ukraynaya dəstəyi barədə fikir mübadiləsi aparacaqlar.
