Onlayn qəzet

Digər kateqoriyalar

Maraqlı təsadüf: Adları, yaşları, xəstəlikləri də eynidir

09:04 12.03.2024 Hadisə 559
  Türkiyənin Bursa bölgəsində qəribə hadisə yaşanıb. 2 yaşlı 2 körpə eyni vaxtda eyni xəstəlikdən əziyyət çəkir. Körpələrin ikisinin də adı Zeynəbdir. İkisində də qara ciyər çatışmazlığı var. Hər ikisinə də atalarının qara ciyərindən transplantasiya edilib və eyni xəstəxanada! “Sherg.az” eyni taleyi paylaşan 2 körpə haqqında “NTV.com.tr”yə istinadən xəbər verir. Körpələrdən biri Zeynəb Çelik, digəri isə Zeynəb Alyadır. Körpələrin səhhətində yaranan problem səbəbiylə valideynləri onları xəstəxanaya gətirib. Burada isə məlum olub ki, hər iki körpədə qara ciyər çatışmazlığı var. Körpələrə qara ciyər transplantasiyası lazım gəlib. Hər ikisinin də donoru ataları olub. Zeynəb Alyanın valideynləri 4 il əvvəl evləniblər. Bu evlilikdən Münəvvər və Əmrə Sakaryanın qız övladları dünyaya gəlib. Adını Zeynəb qoyublar. Körpə həddindən çox ağlağan olub. Valideynləri onu həkim müayinəsinə aparıb və xəstəlik bu zaman üzə çıxıb. Testlərdə atanın qan və toxuma nümunələri körpəninkilərlə uyğun gəlib. 6 saat çəkən əməliyyat zamanı atanın qara ciyərindən bir parça körpəyə nəql edilib. Körpə Zeynəb atasının sayəsində həyata bağlanıb. Körpənin atası Əmrə Sakarya qorxunc xəstəliklə üz-üzə gəldiklərini danışıb: “Hər an körpəmizi itirmək qorxusu ilə yaşayırdıq. Ona yedirəcəyimiz yeməyi tərəzidə ölçürdük, sonra verirdk. Anlayırdıq ki, bu, uzun müddət davam edə bilməz. Çarə tapmalıyıq. Uludağ Universitetinə müraciət etdik. Həkimlər mütləq qara ciyər nəqli olmasını tövsiyə etdilər. Çox şükür ki, mənim qara ciyərim körpəmin qan və toxuma hüceyrələriylə uyğun gəldi. Əməliyyat uğurlu keçdi, indi rahatıq daha”. Körpə Zeynəbin müalicəsi davam etdiyi günlərdə Əmrə Sakarya xəstəxanada başqa bir körpənin atasıyla tanış olub. Məlum olub ki, bu körpədə də qara ciyər çatışmazlığı var. Körpənin adının Zeynəb, 2 yaşının olduğunu biləndə hər iki tərəf bu təsadüfə təəccüb edib. Əminə və Əhmət Çelik ailəsi də Bursada yaşayır. Onların dünyaya gəlmiş övladları körpə ikən sarılıq xəstəliyndən vəfat ediblər. Sonra qız övladları olub və onun adını Zeynəb qoyublar. Körpə Zeynəbin də səhhətində problemlər yarandıqda həkimə müraciət ediblər və körpənin xəstəliyi müəyyənləşib. Körpə Zeynəbin də atasının qara ciyəri uyğun gəlib və o da bu xəstəxanada əməliyyat edilib. Xəstəxanada qarşılaşmalarını taleyin xoş təsadüfü sayan valideynlər sevinclərini bölüşüblər.

Oxşar xəbərlər

Tovuzda iki avtomobil toqquşub, xəsarət alanlar var
Tovuzda iki avtomobil toqquşub, xəsarət alanlar var
21:55 15.10.2026
DTX tərəfindən saxlanılan Saleh Səmədova hökm oxunub
DTX tərəfindən saxlanılan Saleh Səmədova hökm oxunub
16:17 15.10.2026
Murat Boz və Demet Özdemir seldə köməksiz qaldı - Qayıqlarla xilas edildilər
Murat Boz və Demet Özdemir seldə köməksiz qaldı - Qayıqlarla xilas edildilər
13:52 15.10.2026
İstanbulda son 41 ilin ən güclü yağışı: Ölənlər var, küçələri sel basdı - FOTOLAR
İstanbulda son 41 ilin ən güclü yağışı: Ölənlər var, küçələri sel basdı - FOTOLAR
11:49 15.10.2026
Yol çökdü, gənc kanalizasiyada boğuldu - İttiham olunan şəxsə 5 il həbs cəzası istənildi
Yol çökdü, gənc kanalizasiyada boğuldu - İttiham olunan şəxsə 5 il həbs cəzası istənildi
11:20 15.10.2026
İstanbulda güclü leysan: avtomobillər, tunellər və yollar su altında qalıb
İstanbulda güclü leysan: avtomobillər, tunellər və yollar su altında qalıb
07:43 15.10.2026

Xəbər lenti

Hamısına bax