"Antalyaspor"un baş məşqçisi Aleks de Souza bu gün rəqibi olduğu keçmiş komanda yoldaşı Volkan Dəmirəl üçün paylaşım edib.
Sherg.az xəbər verir ki, "Onvo Antalyaspor"un baş məşqçisi Aleks de Souza sosial media hesabında keçmiş komanda yoldaşı "Sipay Bodrum FK"-nin baş məşqçisi Volkan Dəmirəl haqqında emosional paylaşım edərək yeni vəzifəsində ona uğurlar arzulayıb.
Aleks Trendyol Superliqasının 12-ci həftəsində "Sipay Bodrum FK"-ni 3-2 hesabı ilə məğlub etdikləri matçdan sonrakı paylaşımında Dəmirəlin illər əvvəl "Fənərbaxça" forması ilə onu kürəyində daşıdığı fotodan və daha əvvəl birlikdə çəkdirdikləri fotodan istifadə edib.
Aleks de Souza da "Futbol və onun gətirdiyi duyğular... Bu gün 8,5 il birlikdə oynadığım qapıçımla üz-üzə gəldim. Bu qədər müddətdən sonra yenidən görüşmək xoş oldu. Sizə uğurlar arzulayıram. Hörmətlə, kapitan" deyə bildirib.
