“Sabah”ın futbolçusu Pavol Şafranko oyun zamanı ayağına xəsarət yetirdiyi “Turan Tovuz”un futbolçusu Denis Marandiçini ziyarət edib.
“Qafqazinfo” xəbər verir ki, o, bununla bağlı instaqram hesabında paylaşım edib.
Qeyd edək ki, Azərbaycan kubokunun 1/8 final mərhələsində keçirilən “Turan Tovuz” - “Sabah” oyunu zamanı sözügedən futbolçuların top uğrunda mübarizəsi zamanı Marandiçinin ayağı qırılıb. Marandiçi bir neçə gün əvvəl əməliyyat olunub. O, bir müddət yaşıl meydanlardan uzaq qalacaq.
