Bu gün Milli Olimpiya Komitəsinin Ədalətli Oyunlar Komissiyasının və Azərbaycan Qan Donorlarının İnkişafı Mərkəzinin dəstəyi və lNBA Qlobal Avrasiya və lNBA Qlobal Azərbaycan birliyinin təşkilatçılığı ilə Ümummili Lider Heydər Əliyevin 100 illiyinə həsr olunmuş natural bodibildinq və fitnes üzrə 1-ci Avrasiya Çempionatı keçirilib.
"Sherg.az" xəbər verir ki, yarışdan öncə Ümummilli lider Heydər Əliyevin və Vətən Müharibəsi şəhidlərinin xatirəsi 1 dəqiqəlik sükutla yad edilib və Dövlət himni səsləndirilib.
Sonra Ümummilli lider Heydər Əliyevin həyat yolundan bəhs edilən filim izlənilib.
Tədbir bədii hissə ilə davam edib.
Öncə Azərbaycan Televiziyasının və Müğam Mərkəzinin solisti, xanəndə Mirələm Mirələmovun ifasından sonra Azərbaycan Rəqs qrupu və Baku Band qrupunun çıxışı ilə bədii hissəyə yekun vurulub.
Daha sonra Milli Olimpiya Komitəsinin Ədalətli Oyunlar Komissiyasının sədri Xəzər İsayev çıxış edərək Ulu öndər Heydər Əliyevin Azərbaycan idmanın inkişafına verdiyi tövhələrdən danışıb.
INBA Qlobal Azərbaycan və lNBA Qlobal Avrasiya birliyinin prezidenti Elnur Şıxəliyev yarışın mahiyyəti haqqında vəlumat verib və ilk dəfə ölkəmizdə təşkil olunan 1-ci Avrasiya Çempionatında ilk dəfə olaraq fiziki məhdudiyyətli idmançıların iştirak etdiyini vurğulayıb. O qeyd edərək bildirib ki, məqsədimiz fiziki məhdudiyyətli idmançıların təlim - məşq toplanışını təmin edərək, onların beynəlxalq yarışlarda iştirakını təmin etməkdir.
Çempionatda 100-ə qədər idmançı
Kids Fitnes, Fizikal Çelenced , Men's Fizik, Sport Model, Men's Atletik, Classic Fizik və Men's bodibildinq kateqoriyalarında mübarizə aparıblar.
Fərqlənən idmançılara diplom, medal, kubok və dəyərli hədiyyələr təqdim olunub.
Həmçinin INBA Qlobal Avrasiya və lNBA Qlobal Azərbaycan birliyinin prezidenti Elnur Şıxəliyev Azərbaycan Qan Donorlarının İnkişafı Mərkəzinin idarə heyətinin qərarı ilə fəxri üzv qəbul olunub.
Həmçinin INBA Qlobal Avrasiya və lNBA Qlobal Azərbaycan birliyi tərəfindən "Əlliliyi olan şəxslərə dəstək" ictimai birliyinin üzvlərinin əl işlərinin nümayiş olunması üçün sərgi təşkil olunub.
