"Qarabağ"ın futbolçusu Marko Yankoviç Çempionlar Liqasının 2-ci təsnifat mərhələsində "Şelburn"la ilk oyunu buraxacaq.
Bu barədə QOL.az saytına açıqlamasıında Ağdam təmsilçisinin mətbuat xidmətinin rəhbəri Anar Hacıyev bildirib.
O, 30 yaşlı yarımmüdafiəçinin zədələndiyini deyib. Monteneqrolu oyunçu bu səbəbdən İrlandiya səfərinə qatılmayıb.
Qeyd edək ki, bu gün keçiriləcək "Şelburn" - "Qarabağ" matçı Bakı vaxtı ilə saat 22:45-də başlayacaq. Bu komandalar arasında cavab oyunu isə iyulun 30-da Tofiq Bəhramov adına Respublika stadionunda keçiriləcək və saat 20:00-da start götürəcək. Bu cütün qalibi 3-cü təsnifat mərhələsində "Şkendiya" (Şimali Makedoniya) - FCSB (Rumıniya) cütünün üstün tərəfi ilə üz-üzə gələcək.
