İsveçrə Milli Şurası dövlət məktəblərində oxuyan qızların hicab taxmasını qadağan etməmək qərarına gəlib.
Teleqraf xəbər verir ki, bu barədə hökumətin mətbuat xidməti məlumat yayıb.
Ölkə parlamenti bundan əvvəl 16 yaşından kiçik məktəbli qızlar üçün hicabın qadağan edilməsi imkanlarının araşdırılması üçün hökumətə sorğu təqdim etmişdi. Konkret olaraq, parlamentarilər belə bir qadağanın bütün qızların bədən tərbiyəsi dərslərində iştirakına təminat verə biləcəyi məsələsini araşdırıblar.
İsveçrə hökuməti belə nəticəyə gəlib ki, hüquqi baxımdan bütün qızların bədən tərbiyəsi və üzgüçülük də daxil olmaqla fəaliyyətlərdə iştirakı təmin edilir. Milli Şura onu da vurğulayıb ki, federal hakimiyyət orqanları dövlətin, o cümlədən dövlət məktəblərinin dini simvollarla bağlı neytrallığını təmin etməyi öz vəzifələrindən biri hesab edir.
“Bu səbəblərə görə Milli Şura uşaqların dövlət məktəblərində hicab taxmasına qoyulan ümumi qadağanı rədd edir”, - press-relizdə deyilir
