Bahalaşma deputatları da “dilə gətirib”: “Maaş az, qiymət baha” - Yaşa görüm, dözürsən?!
Yusif Nəzərli
16:39 05.11.2025
İqtisadiyyat
320
Razi Nurullayev: “Pensiyalar, minimum əmək haqqı çox aşağıdır. Bütün bunlar da insanların ay ərzində ləyaqətli yaşayışına bəs etmir”
Natiq Cəfərli: “Hökumət qiymət artımına təsir edəcək qərarlar verir. Buna misal olaraq "Dizel" yanacağının qiymətinin birbaşa olaraq 34 faiz artmasını göstərə bilərik”
Son dövlər Azərbaycanda bir çox məhsulların qiymətində bahalaşma müşahidə olunur. Bu da öz növbəsində əhalinin sosial rifahına mənfi təsir göstərir. Mağaza və ya marketlərdə, demək olar ki, eyni məhsul az qala hər ay bahalaşır. Məsələ Milli Məclisin plenar iclaslarında da müzakirəyə çıxarılır. Bəzi parlamentarilər “SOS” siqnalı çalaraq bahalaşmanın qarşısının alınmasına dair təkliflər irəli sürüblər. Elə bu günlərdə millət vəkili Razi Nurullayev mətbuata açıqlamasında bahalaşamaya yol açan səbəblər və nəticələri barədə danışıb. O qeyd edib ki,
bahalaşmanın qarşısını almaq üçün idxal olunan malların müəyyən rüsumlardan azad edilməsi vacibdir:
“Yaxud da rüsumlar azaldılmalıdır ki, mal-əmtəə Azərbaycana daha ucuz qiymətə gəlib çatsın. Ölkədə istehsal olunan məhsullara tətbiq olunan güzəştlər artırılsın, vergilər azaldılsın. Beləliklə, qiymətlər insanların cibinə uyğun olsun.
Bax bu iki məsələni ciddi şəkildə hökumət səviyyəsində araşdırılmasına ehtiyac var. Hələ ki bununla bağlı qərar qəbul olunmur”.
R.Nurullayev qeyd edib ki, bu gün Azərbaycanda vətəndaşların qazancları kifayət qədər deyil:
“Əmək haqları rəqabətli deyil. Pensiyalar, minimum əmək haqqı çox aşağıdır. Bütün bunlar da insanların ay ərzində ləyaqətli yaşayışına bəs etmir. Qaz və işığın qiymətlərinin artması da insanlara xeyli təsir edib. Müəyyən addımlar atılmalıdır ki, qiymətlərin azaldılmasına gətirib çıxarsın”.
İqtisadçı ekspert Natiq Cəfərli də “Sherg.az” açıqlamasında Azərbaycanda bu ilin əvvəllərindən qiymət artımının sürətləndiyini qeyd edib:
"Ötən illə bu ili müqayisə etdikdə artımı aydın görə bilərik. Bu il qiymətlərdə 9-10 faiz artım, ümumi inflyasiyada isə 5 faiz artım müşahidə edilir".
N.Cəfərliyə görə bu qiymət artımının obyektiv səbəbləri araşdırılmalıdır:
"Obyektiv səbəb kimi deyə bilərəm ki, son zamanlarda dünyada da qiymət artımı müşahidə olunur. Bu, Azərbaycandan asılı səbəb deyil. Bahalaşma əsasən pandemiyanın başlaması ilə bağlıdır. Digər bir səbəb isə logistikanın bahalaşmasıdır. Bu da qiymətlərə öz təsirini göstərir".
Ekspert diqqətə çatdırıb ki, Azərbaycan hökumətindən asılı olan səbəblər də var:
"Hökumət hələki bu sahədə lazımi addımlar atmır. Əksinə qiymət artımına təsir edəcək qərarlar verir. Buna misal olaraq "Dizel" yanacağının qiymətinin birbaşa olaraq 34 faiz artmasını göstərə bilərik. Məhsulun maya dəyəri artdıqca qiymətlər də artır. Məlum qərarı verərkən bilməli idilər ki, bu, qiymət artımına səbəb olacaq".
N.Cəfərli hesab edir ki, vergi və gömrük siyasətində də müəyyən boşluqlar var:
"Çünki ölkədə istehsalı olmayan məhsullar çoxdur. 55-60 faiz ərzaq məhsulları xaricdən gətirilir. Bu avtomatik olaraq qiymət artımına təsir göstərir. Bununla yanaşı, ənənəvi problemlər də var. Bunlara rəqabət mühitinin aşağı olması, bazarda şirkət sayının az olması və s. məsələləri aid etmək olar”.
Çimnaz Şahlar
Oxşar xəbərlər
Xəbər lenti
Hamısına bax
Fidan NATO-nu Türkiyəni qorumaqda aciz olmaqda ittiham etdi
14:14 20.11.2026
Gündəm
Ağdamda Qarabağ atlarının şousu keçirilib - VİDEO
14:08 20.11.2026
Qarabağ
“Yuxarı Lars” keçidi yük avtomobilləri üçün açıldı
14:04 20.11.2026
Region
“Kimyəvi silah” iddiası ilə işğala zəmin hazırlanır
14:00 20.11.2026
Dünya
AMEA-nın strukturunda dəyişiklik edilib
13:26 20.11.2026
Elm və Təhsil
Ağdamın əsl dirçəlişi indi başlayır - ŞƏRH
13:21 20.11.2026
Gündəm
Media və Yayım Şurası jurnalistlər üçün müsabiqə elan edib
12:59 20.11.2026
Media
Tezliklə Vyetnamın Azərbaycanda səfirliyi açılacaq
12:49 20.11.2026
Gündəm
Milli Məclisin növbəti iclasının tarixi və gündəliyi açıqlanıb
12:25 20.11.2026
Gündəm
SEPAH: Döyüşə hazırıq, coğrafi məhdudiyyət olmadan vuracağıq
12:15 20.11.2026
Dünya
Şahzadə Harri: Orduya qayıda bilərəm
11:47 20.11.2026
Dünya
Tramp: İran məsələsində tələsmirəm
11:27 20.11.2026
Gündəm
Xroniki tənhalıq demensiya riskini 38 faiz artırır
11:11 20.11.2026
Sağlamlıq
Fransa: Əsgərlərimiz zaman-zaman Ukraynada olub
10:59 20.11.2026
Gündəm
“Yuventus” Makkenninin transferinə icazə vermədi
10:56 20.11.2026
Futbol